طب ولية وجع القلب دة متعمل حاجة دلوقتي تحسسك إنك فرحان ومرتاح .. هات شيكولاتة بتحبها وكلها أو كلم حد بتحبة أو روح مكان بتحبة او حتي غمض عينك و أفتكر موقف بيضحكك أو ….. إلخ

بلاش تربط الراحة بحاجة لسة هتحصل في المستقبل …

صدقوني الراحة الحقيقية في الحاضر و أما ربط الراحة بالمستقبل فدي خدعة الشيطان لينا وقد حذرنا الله في كتابة منها فقال ( يَعِدُهُمْ وَيُمَنِّيهِمْ وَمَا يَعِدُهُمُ الشَّيْطَانُ إِلَّا غُرُورًا ) فديماً هتلاقي الشيطان يمنيك أي يعطيك طول الأمل أن الراحة هتيجي لما تعمل كذا والسعادة هتلاقيها لما توصل لكذا وكلة في المستقبل وكلة غرور يعني ” وهم ” ودي أكبر خدعة لأن الشيطان عايزك ديماً حزين تعيس يأس منتظر منتظر لحد ما العمر ينتهي ….

يلا بينا نغير معتقداتنا ونبطل سذاجة ومنخليش الشيطان يضحك علينا تاني ومن النهاردة الراحة والسعادة ” هنستشعرها الأن ” وفي كل لحظة سوف نحياها طالما لسة فينا نفس وكمان لما المستقبل يجي برضة هنبسط نفسنا فية